وزیراعلیٰ پنجاب شہباز شریف کی ہدایت پرسانحہ ماڈل ٹاؤن رپورٹ پبلک کردی گئی، رانا ثناء اللہ کی پریس کانفرنس

  5 دسمبر‬‮ 2017   |     08:09     |     تازہ ترین

لاہور(ڈیلی آزاد): وزیراعلیٰ پنجاب کی ہدایت پرسانحہ ماڈل ٹاؤن رپورٹ پبلک کردی گئی، رپورٹ میں وزیراعلیٰ یاکسی حکومتی عہدیدار کو ذمہ دارنہیں ٹھہرایاگیا،رپورٹ میں یہ ضرورہے کہ لوگوں کوعوامی تحریک نے اکٹھا کیا،میڈیا کلپس اور شہادتیں موجودہیں،وہ کون تھا جوساری رات کہتارہاکہ شہادت کاوقت آگیاہے۔انہوں نے لاہورہائیکورٹ کی جانب سے سانحہ ماڈل ٹاؤن کی رپورٹ پبلک کرنے کے حکم

اور سربراہ عوامی تحریک ڈاکٹرطاہرالقادری کے دھرنادینے کے اعلان پرپریس کانفرنس کرتے ہوئے کہاکہ پنڈی کے ایک شیطان کہتے تھے کہ رپورٹ میں ایسی چیزیں ہیں جوسامنے آئیں توفلاں فلاں ہوجائے گا۔یہ صرف ایک سیاسی پروپیگنڈاتھا۔انہوں نے کہاکہ عدالت نے رپورٹ کوشائع کرنے کیلئے 30دن دیے ہیں۔پنجاب حکومت میرٹ پریقین رکھتی ہے۔ابھی جے آئی ٹی کی رپورٹ تیارہوئی نہیں تھی کہ لاہورہائیکورٹ میں رٹ دائرکردی گئی۔جب رٹ زیرسماعت تھی تواس وقت جے آئی ٹی کی کاروائی مکمل ہوئی۔انہوں نے کہاکہ رپورٹ متنازع ہونے کے باعث پبلک نہیں کی گئی۔رانا ثنا ء اللہ نے انکشاف کیاکہ رپورٹ میں وزیراعلیٰ یاکسی حکومتی شخصیت کرذمہ دارنہیں ٹھہرایاگیا،موقع پرموجودپولیس اہلکاروں کوبھی ذمہ دارنہیں ٹھہرایا۔انہوں نے کہاکہ میڈیاکے پاس کلپس اور شہادتیں موجودہیں۔وہ کون تھا جوکہتاتھا کہ شہادت کاوقت آگیاہے۔یہ بھی نہیں بتایاکہ لوگوں کوکس نے اکٹھا کیا؟رپورٹ میں یہ ہے کہ لوگوں کوعوامی تحریک نے اکٹھا کیا۔

پسند آئی
 

ٹھیک ہے
 

کوئی رائے نہیں
 

پسند ںہیں آئی
 

اس وقت سب سے زیادہ پڑھی جانے والی خبریں