تازہ ترین :

شروع اللہ کے نام سے جو بڑا مہربان نہایت رحم والا ہے ِ

الم ﴿۱﴾یہ کتاب (قرآن مجید) اس میں کچھ شک نہیں (کہ کلامِ خدا ہے۔ خدا سے) ڈرنے والوں کی رہنما ہے ﴿۲﴾ جو غیب پر ایمان لاتے اور آداب کے ساتھ نماز پڑھتے اور جو کچھ ہم نے ان کو عطا فرمایا ہے اس میں سے خرچ کرتے ہیں 

ad

بہترین کارکردگی پر بڑا تحفہ، آئی سی سی نے مردان کے بڈھے شیر کو قافلے میں شامل کر ہی لیا

  8 جنوری‬‮ 2017   |    07:51     |     کھیل

دبئی(ڈیلی آزادنیوز ڈیسک )انٹرنیشنل کرکٹ کونسل (آئی سی سی)نے تازہ ترین ٹیسٹ رینکنگ جاری کردی ہے۔ تازہ ترین رینکنگ کے مطابق ٹاپ ٹین میں دو پاکستانی کھلاڑی یونس خان اوراظہرعلی بھی شامل ہیں۔آئی سی سی کی جاری کردہ ٹیسٹ رینکنگ میں ٹاپ ٹین بیٹسمین کی فہرست میں پاکستان کے مرد بحران یونس خان چھ درجے ترقی پا کر تیرہویں سے ساتویں نمبر پر آ گئے ہیں جبکہ آسٹریلیا کے خلاف میلبورن ٹیسٹ میں سنچری بنانے والے اظہرعلی چھٹے نمبرپرہیں۔ ٹاپ ٹین بالرز میں کسی پاکستانی کھلاڑی کا نام شامل نہیں۔ نئی ٹیسٹ رینکنگ کے مطابق بلے بازوں میں آسٹریلین کپتان سٹیوسمتھ بدستور پہلے نمبر پر ہیں، بھارت کے ویرات کوہلی دوسرے جبکہ انگلینڈ کے جو روٹ نے تیسری پوزیشن سنبھالی ہے۔ بہترین ٹیسٹ پلیئرزمیں نیوزی لینڈ کے کین ولیم سن چوتھے،

آسٹریلیا کے ڈیوڈ وارنر پانچویں نمبر پر ہیں جبکہ میلبورن میں ڈبل سنچری اسکور کرنے والے پاکستان کے اظہرعلی کا فہرست میں چھٹا نمبر ہے۔ آسٹریلیا کے خلاف سڈنی ٹیسٹ کی پہلی اننگز میں سنچری بنانے والے یونس خان 6 درجے ترقی پا کرساتویں نمبر پرموجود ہیں جبکہ ساتھ افریقہ کے ڈی کوک آٹھویں، اے بی ڈویلیئرز نویں اور ہاشم آملہ دسویں نمبرپر براجمان ہیں۔آئی سی سی کے مطابق ٹاپ ٹین بالرزکی ٹیسٹ رینکنگ میں بھارت کے ایشون کا پہلا نمبربرقرارہے جبکہ رویندرجڈیجا دوسرے نمبرپرہیں۔ آسٹریلیا کے جوش ہیزل ووڈ تیسرے، سری لنکن رنگنا ہیراتھ چوتھے، ساتھ افریقہ کے ڈیل اسٹین پانچویں، انگلینڈ کے جیمز اینڈرسن چھٹے اورسٹورٹ براڈ ساتویں جبکہ ساتھ افریقہ کے ربادا آٹھویں نمبر پر ہیں۔بالرز کی فہرست میں ساتھ افریقہ کے فلینڈر کا نواں نمبرہے جبکہ آسٹریلیا کے مچل سٹارک دسویں نمبر پر ہیں۔

اس خبر کے بارے میں اپنی رائے دیجئے
پسند آئی
 
ٹھیک ہے
 
کوئی رائے نہیں
 
پسند ںہیں آئی
 
اپنی رائے کا اظہار کریں -

انٹر نیٹ کی دنیا میں سب سے زیادہ پڑھے جانے والے مضا مین

loading...

اس وقت سب سے زیادہ پڑھی جانے والی خبریں

تازہ ترین تصاویر


>