تازہ ترین :

شروع اللہ کے نام سے جو بڑا مہربان نہایت رحم والا ہے ِ

الم ﴿۱﴾یہ کتاب (قرآن مجید) اس میں کچھ شک نہیں (کہ کلامِ خدا ہے۔ خدا سے) ڈرنے والوں کی رہنما ہے ﴿۲﴾ جو غیب پر ایمان لاتے اور آداب کے ساتھ نماز پڑھتے اور جو کچھ ہم نے ان کو عطا فرمایا ہے اس میں سے خرچ کرتے ہیں 

ad

سعودی عرب نے عازمین حج اور عمرہ کیلئے ایسا اعلان کردیا کہ جان کر آپ بھی عش عش کر اٹھیں 

  9 جنوری‬‮ 2017   |    07:21     |     بین الاقوامی

ریاض(ڈیلی آزادنیوز ڈیسک )سعودی عرب کی وزارت حج اور عمرہ نے عازمین کے حقوق کے تحفظ کے لیے نئے قواعد وضوابط جاری کردئیے ،میڈیارپورٹس کے مطابق وزارت کی ویب سائٹ پر جاری کردہ دستاویز میں بتایاگیا کہ نگران کمیٹیوں اور مواصلاتی مراکز کے ذریعے ہر طرح کی شکایات وصول کی جائیں گی اور اس طرح عازمین حج اور عمرہ کے حقوق کا تحفظ کیا جائے گا۔وزارت کا کہنا تھا کہ وہ غیرملکی عازمین حج اور عمرہ کو مہیا کی جانے والی رہائش ،خوراک اور ٹرانسپورٹ کی خدمات کی نگرانی کرکے ان کے حقوق کے تحفظ کو بھی یقینی بناتی ہے۔اس ضمن میں معاہدوں میں دی گئی تصریحات پر عمل درآمد کاجائزہ لیا جاتا ہے اور حجاج یا عازمین عمرہ کی جانب سے موصول ہونے والی شکایات کو ایک خصوصی کمیٹی کو بھیجا جاتا ہے اور وہی خلاف ورزی کے مرتکبین کے خلاف سزا کا فیصلہ کرتی ہے۔وزارت کا کہنا تھا کہ اگر کوئی حج سروس کمپنی غیر معیاری خدمات مہیا کرتی ہے تواس پر جرمانہ عاید کیا جائے گا،

ایک سیزن یا اس سے زیادہ کے لیے اس کو کام سے روک دیا جائے گا یا اس کا لائسنس ہی منسوخ کردیا جائے گا۔وزارت نے کہا کہ عازمین حج اور عمرے کے حقوق میں ان کا تحفظ ، خدمات مہیا کرنے والی کمپنیوں کے معاہدے میں دی گئی شرائط وضوابط پر مکمل عمل درآمد کو یقینی بنایا جائے گا اورکمپنیوں سے اس امر کی مالی ضمانت لی جائے گی کہ وہ اپنے معاہدوں کی پاسداری کریں گی۔وزارت ان کمپنیوں کی جانب سے عازمین حج اور عمرہ کو مہیا کی جانے والی خدمات کی خودنگرانی کرے گی اور تمام مقدس مقامات میں مہیا کی جانے والی رہائش ،ٹرانسپورٹ ،خوراک اور دیگر سہولتوں سے متعلق رپورٹس کا جائزہ لے گی۔اگر عازمین کے سفری ٹکٹ گم ہوجاتے ہیں تو ا ن کے لیے متبادل ٹکٹ کا بندوبست کرے گی۔

اس خبر کے بارے میں اپنی رائے دیجئے
پسند آئی
100%
ٹھیک ہے
 
کوئی رائے نہیں
 
پسند ںہیں آئی
 
اپنی رائے کا اظہار کریں -

اس وقت سب سے زیادہ پڑھی جانے والی خبریں

انٹر نیٹ کی دنیا میں سب سے زیادہ پڑھے جانے والے مضا مین

loading...

تازہ ترین تصاویر


>